O médico

 

Título: El médico

 Autor/Director: Philipp Stölzl

 Ano:  2013

 Época e material que reflicte: Século XI, Idade Media.

 Comentario:

 A película desenvólvese na Idade Media en Inglaterra, onde encontramos ao protagonista, Robert Cole, que queda orfo trala morte da súa nai, a que morre de apendicite máis coñecida na película como “ enfermidade do costado”. Cole ao quedarse orfo decide ir a acompañar ao cirurxián   -barbeiro o cal lle ensina recursos básicos sobre a medicina. Un día o seu mentor sofre de cataratas o que fai que sexa moi urxente operalo, entón vai a xunto dun médico xudeu que o opera. O protagonista observa a operación dende fora da carpa xa que non lle deixaban estar presente, el empeza a pensar que os xudeus teñen máis coñecementos sobre a medicina que os cristiáns e empeza a interesarse pola relixión xudía. Todo isto, fai que el emprenda unha viaxe cara á madrasa en Ifahán, de camiño adoita o nome de Jesse Benjamín e á súa vez practica a circuncisión pola súa parte para poder facerse pasar por xudeu xa que os cristiáns estaban proscritos, e polo camiño coñece a Rebecca, coa que fai uns lazos de amizade que cada vez faranse máis fortes.

Cando chegou a Ifahán o seu novo mentor, Avicena, ensínalle tanto medicina como filosofía. Despois dun tempo a poboación sofre unha peste,  e os médicos intentan curalos pero sen éxito. Jesse descobre que todo isto é por mor da pouca hixiene que ten o lugar, entón deciden crear un pesticida moi forte para matar as ratas queimalas e queimar os corpos contaminados.

O protagonista segue investigando sobre o corpo humano facendo unha disección dun corpo, ata que o pillan co corpo e acúsano de infrinxir a norma do xudaísmo xunto co seu mentor por darlle permiso a pesar de que el descoñece o que esta a facer Jesse, este descobre ante o tribunal que non é xudeu senón cristiá pero eles non o creen. Pola outra banda, Rebecca confésalle ao seu esposo o seu adulterio e condenaa a ser lapidada. Xusto cando os ían decapitar, a Jesse e Avicena, aparecen os soldados do Shah, que sofre a enfermidade do costado e pretende que Jesse o opere xa que é o único que coñece a enfermidade.

Jesse e mais Avicena acceden a operalo, líbranse da condena e liberan a Rebecca da lapidación.

As autoridades islámicas acusan aos médicos de traer o “castigo divino” e expulsan os médicos, xudeus e alumnos da madraza que é destruída. O Shah morre en combate, e Avicena toma un veleno que o leva á morte, dicíndolle antes a Jesse que escape para ampliar os seus coñecementos e dalos a coñecer.

Jesse regresa a Londres onde abre un hospital.

 O que podemos observar nesta película e a diferenza entre o cristianismo e o xudaísmo en canto a modos de vida e pensamento, o efecto da peste nesa época e enfermidades que se descoñecían, outra cousa importante que se observa é o avance dos coñecementos e como son castigados dependendo das crenzas.

 Valoración persoal:

 A película pareceume moi bonita e interesante para coñecer os distintos temas que se dan na mesma, como a medicina pouco a pouco vai avanzando a pesar das limitación que lle poñen cada unha das relixións polas súas normas.

Algunhas cousas particulares da película son as imaxes fortes de cando abre o corpo ademais das distintas maneiras que usaban para curar as persoas (cortar dedos, arrincar dentes,etc.)

 María Vidal Rodríguez 2ºD